Karadka
Block Panchayat

കാറഡുക്ക, കുറ്റിക്കോൽ, ബേഡഡുക്ക, മുളിയാർ, കുമ്പഡാജെ, ബെള്ളൂർ, ദേലംപാടി എന്നീ 7 ഗ്രാമപഞ്ചായത്തുകൾ ഉൾപ്പെടുന്നതും വനമേഖലകൾ കൂടി വ്യാപിച്ചുകിടക്കുന്നതുമായ ഭൂപ്രദേശമാണ് കാറഡുക്ക ബ്ലോക്ക് പഞ്ചായത്തിന്റേത്. പയസ്വിനി, വാവടുക്കം, കരിച്ചേരി എന്നീ മൂന്ന് പുഴകൾ ഈ പ്രദേശത്തിലൂടെ ഒഴുകുന്നു. മലനാടും ഇടനാടും ഇടകലർന്ന ഭൂപ്രകൃതിയുള്ള കിഴക്കൻ പ്രദേശം കർണാടക സംസ്ഥാനവുമായി അതിർത്തി പങ്കിടുന്നു.

372.4 ചതുരശ്ര കിലോമീറ്റർ വിസ്തൃതിയുള്ള ഈ പ്രദേശത്തിന്റെ ഭൂരിഭാഗവും കരിങ്കൽ മണ്ണ് നിറഞ്ഞ ഭൂപ്രദേശമാണ്. കുമ്പഡാജെ, ബെള്ളൂർ, കാറഡുക്ക, മുളിയാർ എന്നീ ഗ്രാമപഞ്ചായത്തുകളുടെ പരിധിയിൽ പ്ലാന്റേഷൻ കോർപ്പറേഷന്റെ കശുവണ്ടി, റബ്ബർ തോട്ടങ്ങൾ ഉൾപ്പെടുന്നു.

എൻഡോസൾഫാൻ കീടനാശിനിയുടെ ഉപയോഗം ഈ മേഖലയിലെ പരിസ്ഥിതിയെയും ജനജീവിതത്തെയും ഗുരുതരമായി ബാധിച്ചിട്ടുണ്ട്. കൃഷിക്കും ഗാർഹിക ആവശ്യങ്ങൾക്കുമായി ഭൂഗർഭജലം അമിതമായി ഉപയോഗിക്കുന്നതിനാൽ പ്രദേശത്തെ ഭൂഗർഭജലനിരപ്പ് വളരെ താഴ്ന്ന നിലയിലാണ്. സുരങ്കങ്ങൾ, കുളങ്ങൾ തുടങ്ങിയ പരമ്പരാഗത ജലസ്രോതസ്സുകൾ ധാരാളമായി കാണപ്പെടുന്ന പ്രദേശം കൂടിയാണിത്.

കാവുകളും കാവുകളെ അടിസ്ഥാനമാക്കിയുള്ള ആചാരാനുഷ്ഠാനങ്ങളും ഇന്നും നിലനിൽക്കുന്ന ഈ പ്രദേശത്ത് പരിസ്ഥിതിയും മനുഷ്യജീവിതവും പരസ്പരം ഇഴചേർന്നാണ് നിലനിൽക്കുന്നത്. കാർഷിക മേഖലയിൽ നെല്ല്, വാഴ, തെങ്ങ്, കമുക് തുടങ്ങിയ വിളകൾക്കൊപ്പം റബ്ബർ കൃഷിക്കും പ്രധാന പങ്കുണ്ട്.

1. ആസ്ഥാനം: കർമ്മന്തൊടി, കാറഡുക്ക
2. വിസ്തൃതി: 372.4 ചതുരശ്ര കിലോമീറ്റർ
3. താലൂക്ക്: കാസറഗോഡ്
4. ജില്ല: കാസറഗോഡ്
5. പോസ്റ്റ് ഓഫീസ്: കാറഡുക്ക
6. പിൻ കോഡ്: 671542
7. ഫോൺ നമ്പർ: 04994 260249
8. ഇ-മെയിൽ വിലാസം: bdokrda@gmail.com
9. സ്ഥാപിതമായത്: 01.11.2010
10. അടുത്ത റെയിൽവേ സ്റ്റേഷനിലേക്കുള്ള ദൂരം: 26 കിലോമീറ്റർ
11. ജില്ലാ ആസ്ഥാനത്തുനിന്നുള്ള ദൂരം: 20 കിലോമീറ്റർ
12. പ്രധാന യാത്രാമാർഗം: കാസർഗോഡ് – സുള്ള്യ റോഡ്

1. ജനസംഖ്യ (2011 സെൻസസ്): 1,46,883
   1. പുരുഷന്മാർ: 72,239
   2. സ്ത്രീകൾ: 74,644
2. ജനസാന്ദ്രത: 394 പേർ / ചതുരശ്ര കിലോമീറ്റർ
3. സ്ത്രീ-പുരുഷ അനുപാതം: 1000 : 1033
4. കുടുംബങ്ങളുടെ എണ്ണം: 30,525
5. സാക്ഷരതാ നിരക്ക്: 82%

• വടക്ക്: കാസർഗോഡ്, മഞ്ചേശ്വരം ബ്ലോക്ക് പ്രദേശങ്ങൾ
• പടിഞ്ഞാറ്: കാസർഗോഡ്, കാഞ്ഞങ്ങാട് ബ്ലോക്ക് പ്രദേശങ്ങൾ
• തെക്ക്: പയസ്വിനി പുഴ, വാവടുക്കം പുഴ, പരപ്പ ബ്ലോക്ക് പ്രദേശം
• കിഴക്ക്: കർണാടക സംസ്ഥാനം

കാറഡുക്ക ബ്ലോക്ക് പഞ്ചായത്തിന്റെ പരിധിയിൽ 7 ഗ്രാമപഞ്ചായത്തുകൾ ഉൾപ്പെടുന്നു:

1. കുമ്പഡാജെ
2. ബെള്ളൂർ
3. കാറഡുക്ക
4. മുളിയാർ
5. ദേലംപാടി
6. ബേഡഡുക്ക
7. കുറ്റിക്കോൽ

കാറഡുക്ക ബ്ലോക്ക് പഞ്ചായത്ത് പരിധിയിൽ 15 റവന്യൂ വില്ലേജുകൾ ഉൾപ്പെടുന്നു:

1. നെട്ടണിഗെ
2. ബെള്ളൂർ
3. കുമ്പഡാജെ
4. ഉബംഗള
5. അഡൂർ
6. ദേലംപാടി
7. ആദൂർ
8. കാറഡുക്ക
9. മുളിയാർ
10. മുന്നാട്
11. ബേഡഡുക്ക
12. കൊളത്തൂർ
13. കുറ്റിക്കോൽ
14. കരിവേടകം
15. ബന്തടുക്ക